Ви смрди од одводот кога врне? Водоинсталатер открива како сами да го решите проблемот за малку пари
![](https://www.slobodenpecat.mk/wp-content/uploads/2024/07/lavabo-Foto-PickPik.jpg)
Во одводите на бањата и кујната, како и од одводите во мијалникот и кадата, се собираат остатоци од нечистотија, сапун и храна и со текот на времето се појавува непријатен мирис.
Водоинсталатерите дадоа корисен совет, односно решение, како можете сами да го решите проблемот и тоа за малку пари.
Непријатниот мирис од одводот се шири низ куќата и понекогаш е неподнослив. Покрај тоа, од задржувањето на нечистотијата, одводот може да се затне и да создаде проблем. Погрижете се редовно да го чистите, а за непријатниот мирис има едноставно решение. Нема потреба да се користат хемикалии кои можат да бидат штетни за здравјето, а воедно и се скапи. Користете природни состојки кои веќе ги имате во вашата кујна.
Што ви е потребно?
– 400 мл оцет
– 3 лажици сода бикарбона
– 5 литри вода
Што треба да направите?
Прво сипете ја сода бикарбоната во одводот, а потоа полека сипете го оцетот, бидејќи ќе се запени. Оставете да отстои најмалку половина час, а потоа сипете врела вода. Така ќе ги исчистите сите преостанати нечистотии и остатоци од маснотии, а непријатниот мирис ќе исчезне.
Ако ова не ви помогне или ако непријатниот мирис продолжи, водоинсталатерите велат дека во овој случај треба да се замени сифонот, бидејќи можеби е неисправен или оштетен. Ако не сте вешти во мајсторување, повикајте водоинсталатер за тоа.