Последниот ден од групната фаза на Европското првенство во фудбал донесе луд расплет во групата „Е“. Двата натпревари завршија нерешено, Словачка и Романија со резултат 1:1, а Белгија и Романија 0:0. Тоа значи дека сите тимови во оваа група освоија четири бода и пласманот се решаваше по гол разлика и постигнати голови.

Прва е Романија, втора со иста гол разлика и помалку постигнати голови е Белгија, трета Словачка, а Украина е елиминирана поради најлошата гол-разлика. Пред денешните натпревари се знаеше дека сите селекции освен Украинците ќе се задоволат со нерешен резултат, бидејќи реми ќе им обезбеди понатамошен пласман. Украинците беа единствениот тим кој требаше да одат на победа, но не успеаја значително да им се заканат на Белгијците кои ја имаа иницијативата во поголемиот дел од натпреварот.

Во вториот натпревар се знаеше дека Словаците и Романците ќе поминат доколку ремизираат и токму тоа се случи. Во пресрет на мечот во обложувалниците драстично паднаа коефициентот за нерешен резултат, а во тамошните медиуми отворено се повика и поранешниот романски репрезентативец, кој го спомена „договорот“ со Словаците.

Ова се само дел од коментарите на Украинците на социјалните мрежи:

„Пеналот досуден за Романија е скандалозен. Ханко направи прекршок надвор од шеснаесетникот, но ВАР необјасниво ја поништи одлуката и досуди пенал. Црна дамка врз фудбалот“.

„Како може ова да биде пенал? Првиот контакт беше јасно надвор од шеснаесетникот и Хаџи падна поради тој контакт, а не оној внатре во шеснаесетникот. Страшна одлука“.

„Дали сте слепи? Не беше пенал, фаулот беше надвор од шеснаесетникот“.