УЕФА не го избркала Мекели поради продолжувањето од осум минути, причината е друга ситуација?
![](https://www.slobodenpecat.mk/wp-content/uploads/2024/06/12324078-1.jpg)
Холанѓанецот Дани Макели повеќе нема да суди на Европското првенство, ваква одлука донесе УЕФА во текот на вчерашниот ден.
Мекели предизвика бурни реакции со својата арбитража во натпреварот помеѓу Хрватска и Италија, а најмногу се коментираше продолжувањето од осум минути. Голем дел од јавноста сметаше дека немаше основа Холанѓанецот толку да го продолжи натпреварот. Закањи токму во таа осма минута од продолжението постигна гол со кој донесе осминафинале за Италија и елиминација за Хрватска.
Но, денеска пристигнуваат информации дека тоа продолжување не е причината поради која Мекели е суспендирна.
„Кориере дело Спорт“ повикувајќи се на извори блиски до шефот на судиите, Роберто Росети пишува дека најголемиот пропуст за УЕФА, Мекели го направи кога чекал помош од ВАР при пеналот за Хрватска. Хрватска доби пенал кој го одбрани Донарума, но во УЕФА му замериле затоа што не успеал да види очигледно играње со рака.
Сепак, треба да се каже и дека реакции на судењето на Мекели имаа Унгарците за нивниот натпревар против Германија кој се играше во второто коло од групната фаза на ЕП.