Туристите избраа: Хрватски остров е еден од најубавите во светот според престижното списание за патувања
Американското списание за патувања „Травел енд лејжр“ објави листа со најубави острови во светот врз основа на искуствата на неговите читатели.
Листата е составена од 25 острови, од кои Малдиви го освои првото место, а меѓу нив се најде и хрватскиот остров Хвар.
„Ако барате медитеранска авантура, не гледајте подалеку од Хвар и далматинските острови. Стариот град на Хвар често се нарекува ‘крал на далматинските острови’. Има прекрасен плоштад и средновековна тврдина со поглед на Јадранското Море. Ноќниот живот придонесува за незаборавно искуство“, напишаа од списанието според искуствата на неговите читатели.
Во истражувањето учествувале 186.000 читатели на споменатото списание, кои ги оцениле островите според следново:
- природни атракции/плажи
- активности/атракции
- ресторани/храна
- луѓе/љубезност
- вредност за парите
Хвар се најде на седмото место од вкупно 25.
Вкупниот список изгледа вака:
- Малдиви
- Пу Куок, Виетнам
- Бали, Индонезија
- Милос, Грција
- Доминика
- Крит, Грција
- Хвар, Хрватска
- Галапагос, Еквадор
- Кох Самуи, Тајланд
- Острови на Големиот корален гребен, Австралија
- Искија, Италија
- Куба
- Палаван, Филипини
- Фиџи
- Златните острови, САД
- Пукет, Тајланд
- Сицилија, Италија
- Ангвила
- Моореа, Француска Полинезија
- Крф и Јонските острови, Грција
- Сардинија, Италија
- Мадеира, Португалија
- Скај, Шкотска
- Парос, Грција
