Се ближи крајот на Летните олимписки игри во Токио, на три дена до крајот на најмасовниот спортски собир и натаму води Кина по бројот на златни медали, моментно ги има вкупно 34.

Спортистите на САД имаат најмногу освоени медали (91), но имаат пет златни медали помалку од Кинезите.

Третопласирана е Јапонија со 22 златни медали, 10 сребрени и 14 бронзени, следува Австралија со 17 златни медали, пет сребрени и 19 бронзени.

Рускиот олимписки комитет има 16 златни медали, 22 сребрени и 20 бронзени, а со 16 златни медали се закити и Велика Британија додавајќи уште 18 сребрени и 17 бронзени медали.

Од екс ју републиките и натаму најдобро котира Хрватска со три златни, три сребрени и два бронзени медали.

Македонија останува со едно сребро на таеквондистот Дејан Георгиевски, но има шанса да ја заврши Олимпијадата со уште еден медал, борачот Могамедгаџи Нуров, кој претендира да се искачи на подиумот во својата категорија својот настап ќе го има утре.

Комплетната листа можете да ја погледнете на следниот линк ТУКА

Нуров е последен македонски претставник во Токио, утре во првото коло ќе се бори против Тунижанецот Саадауи