Трет Македонец во Шкотска: Трапановски потпиша за Данди Јунајтед
![](https://www.slobodenpecat.mk/wp-content/uploads/2024/06/Screenshot-2024-06-27-224319.jpg)
Тоа што се најавуваше во претходниот период денеска е и официјално потврдено, Македонија ќе има нов претставник во шкотското фудбалско првенство.
По Бојан Миовски и Давор Здравковски во Шкотска ќе настапува и Кристијан Трапановски кој во редовите на Данди Јунајтед пристигнува од Шкупи.
„Данди со задоволство може да потврди дека потпиша двегодишен договор со Кристијан Трапановски, во договорот има и опција за продолжување на дополнителни 12 месеци“, објави Данди.
Трапановски исто така изрази задоволство од пристигнувањето во шкотскиот клуб.
„За мене ова е огромна шанса, среќен сум. Тренирав со првиот тим и моите соиграчи сите беа фантастични. Фудбалот се игра за фановите и очекувам да уживам и да имам голема поддршка во Шкотска. За навивачите на Данди слушнав многу добри работи, не можам да го дочекам првото дерби“, изјави Трапановски.
Имаше интернационално искуство Трапановски и од 2017 до 2020 кога беше дел од Славија Прага каде што пристигна од школата на Академија Пандев, а од таму како позајмен играч го носеше дресот на Татран Прешов, Викторија Жижков и Подрезова