Тен Хаг и Манчестер јунајтед официјално ја продолжија соработката
![](https://www.slobodenpecat.mk/wp-content/uploads/2024/07/11912170.jpg)
Холандскиот фудбалски тренер Ерик тен Хаг ќе остане на клупата на Манчестер јунајтед уште две години.
Клубот од Олд Трафорд и официјално потврди дека ја продолжува соработката со Тен Хаг до јуни 2026 година.
Во првите две сезони со тимот, Тен Хаг ги освои Лига Купот и ФА Купот. На крајот од сезоната се шпекулираше дека Холанѓанецот ќе добие отказ, но по темелна анализа на сезоната беше одлучено ништо да не се менува.
– Многу сум задоволен што постигнав договор со клубот и што продолживме да работиме заедно. Гледајќи ги изминатите две години, можеме со гордост да погледнеме наназад на два трофеи и многу примери за напредок од тоа каде бевме кога пристигнав. Секако, мора да биде јасно дека ни претстои уште многу напорна работа за да ги достигнеме нивоата што се очекуваат од Манчестер јунајтед, што значи да се натпреваруваме за титулата во Премиер лигата и во Европа и ние сме силно посветени на тоа – изјави Тен Хаг.
Јунајтед наскоро ќе ги започне подготовките, а првиот контролен натпревар ќе го игра на 15 јули во Норвешка против Розенборг.
✍️ Here to stay.#MUFC
— Manchester United (@ManUtd) July 4, 2024