Телото на Марадона ќе биде откопано и преместено во мавзолеј во Буенос Аирес
Судот во Сан Исидро донесе одлука телото на Диего Армандо Марадона да биде преместено во мавзолеј кој ќе го гради семејство во близина на Буенос Аирес.
Дозолата од судот за откопување на гробот на легендарниот Аргентинец ја побарале неговите ќерки, а судот го одобрил нивното барање.
„Пренесувањето на телото се бара од хуманитарни и емоционални причини и поради тоа треба да им се дозволи на роднините и другите да дојдат и да изразат сочувство или да му оддадат почит на некој близок. Нема причина барањето да биде одбиено“, стои во соопштението од судот.
Марадона почина 25 ноември 2020 година на возраст од 60 години, а причина беше акутна срцева слабост. Аргентинецот беше погребан на приватните гробишта во Буенос Аирес кои се затворени за јавноста.
Според најавите изградбата на мавзолејот треба да заврши во 2025 година.