Министерот за здравство Арбен Таравари, кој е дел од делегацијата на Македонија во Њујорк на Генералното собрание на ОН, даде изјава за ТВ21, во која опозицијата ја нарече „токсична“ и рече дека новата влада во првите сто дена има „одлични резултати“

Запрашан за тоа каква е соработката во Владата, Таравари рече дека е „извонредна“ и дека имаат одлични резултати, префрлајќи ја топката кон опозицијата која, според него, е „токсична“ и се обидува да ја дефокусира јавноста.

„Соработката е коректна и резултатите се извонредни, но за жал имаме токсична опозиција која постојано се обидува да го дефокусира јавното мислење и да ги врати проблемите кои ни ги оставија во наследство. Впрочем, овие сто дена повеќе бевме зафатени да реагираме на опозицијата, отколку да ги промовираме резултатите“, рече Таравари.