Екипите на Вардар и Еурофарм Пелистер славеа победи во натпреварите од ракометната Суперлига.

Вардар во финишот го скрши отпорот на Бутел и славеше победа до 30:27. Првото полувреме помина во изедначена игра, а Вардар најмногу водеше со два разлика.

На паузата се замина со 16-15 за фаворитот. Таквата игра ја гледавме до средината на второто полувреме кога Вардар со серија од 5:0 започна да го трасира патот кон победата.

Првата посериозна предност црвено-црните ја направија со водството од 27:20 и тука веќе беше јасно дека нема да видиме изненадување.

Еурофарм Пелистер уште во првиот дел го реши прашањето на победникот, а на крајот славеше победа од осум разлика со 30:21.

На табелата Вардар и Пелистер по пет кола имаат идентичен учинок од четири победи и еден пораз, додека на врвот е Охрид со максимални пет победи.