Претседателот и воедно член на Надзорниот одбор на СДСМ, Горан Сугарески утрово на својот Фејсбук профил соопшти дека поднесе оставка од неговата функција, како последица на лошите резултати на локалните избори.

„Во знак на морална одговорност за неуспехот на локалните избори, како на локално така и на централно ниво, поднесувам оставка од функцијата претседател и член на Надзорниот одбор на СДСМ“ напиша Сугарески.

„Извршувањето високи партиски и државни функции, покрај другото подразбира и одговорност кон граѓаните и членовите на нашата партија. Во таа насока, оставката претставува мој придонес за што побрза консолидација на партијата и што поскоро враќање на победничките патеки“ додава Сугарески.

Тој вели дека секогаш ќе остане социјалдемократ, како и дека ќе остане верен на партијата.