Советот на Општина Карпош денеска ја усвои одлуката за субвенционирање млади лица за полагање на возачка дозвола. Вкупната сума која е предвидена за оваа намена за претстојната 2022 година  е 4.100.000 ден. Со ова градоначалникот Стевчо Јакимовски го реализира даденото ветување во текот на изборната кампања за локалните избори.

Единствени кои гласаа против одлуката беа двете советнички од „Независни за Карпош“.

Општината ќе избира една авто школа преку која ќе оди овој проект. Додека за субвенции за новородено дете од 4.000 денари се бара вкупните приходи на родителите да не надминуваат одреден лимит – 2 минимални плати, овде нема таков критериум.  Со други зборови ќе стимулираме нови возачи под оправдување дека тоа ќе помогне за нивното вработување ама и ќе стимулираме работа за одредена авто школа со сума дупла од предвидената за субвенции – реагираа од „Независни за Карпош“