Жителите на Струмица и шест населени места во рамки на општината ќе се снабдуваат со вода преку 25 апарати поставени во сите училишта и детски градинки, обезбедени се и 25 канистери со вода за пиење кои 24 часа ќе бидат распоредени низ улиците на градот.

– Канистерите за вода за пиење ќе бидат поставени кај Градската болница, резервоарот на „Свети Петнаесет“, Амфитеатарот во Градскиот парк, улица „24 Октомври“ (поранешна дирекција на „Комуналец“), булевар „Климент Охридски“ (Дирекција на „Комуналец“), а по два часа во текот на денот ќе има поставени канистери на повеќе локации во градот – соопшти струмичкото комунално претпријатие.

Веќе петти ден, водата во струмичкиот водоснабдувачки систем не е безбедна за употреба поради утврдено зголемено присуство на манган и колиформни бактерии.

Во шесте населени места – Дабиле, Градско Балдовци, Водоча, Просениково, Баницаи Добрејци вода за пиење ќе има од 7 до 19 часот.

Од „Комуналец“ информираат дека на сите места квалитетот на водата за пиење во секој канистер редовно ќе се контролира од акредитираната лабораторија на Центарот за јавно здравје – Струмица.

АХВ забрани да се пие водата од струмичкиот водоснабдителен систем