Струмица поразена и во вториот натпревар со Олимпијакос
Maкедонскиот одбојкарски шампион, Струмица со 3:0 загуби во реванш натпреварот од квалификациите за Лигата на шампионите.
Сепак, за разлика од натпреварот на домашен терен струмичани денеска се прикажаа во подобро издание. Во првиот меч Олимпијакос буквално ја прегази Струмица, но денеска одбојкарите на македонскиот тим подобро парираа на големиот фаворит.
Првиот сет Олимпијакос го доби со 25:19, а во вториот освои 17 поени, додека третиот одигра најрамноправно и резултатот гласеше 25:21.
Најрасполжен во редовите на Струмица беше Стојан Илиев кој освои 12 поени, Волков и Владо Милев имаа по девет, додека Атанасијевиќ за Олимпијакос освои 19 поени.
Со овој пораз Струмица го заврши настапот во Лигата на шампионите, но продолжи во ЦЕВ купот.