Галичка свадба ќе се одржи следниот викенд по 61. пат, од 12 до 14 јули. Годинашната невеста е Стефана Димитрова, а зетот е Даријан Кочоски.

Од месната заедница Галичник објавија дека невестата ги исполнува сите услови за учество во Галичка свадба.

– Со голема радост ви соопштуваме дека, по објавениот конкурс за избор на невеста и зет на Галичка свадба, што годинава ќе се одржи од 12 до 14 јули, советот на месната заедница Галичник ја избра среќната двојка.

Годинашната невеста е Стефана Димитрова, со потекло од галичките фамилии Чаловски и Веноски, долгогодишна учесничка на галичка свадба, додека зетот е Даријан Кочоски.

Нека се вечно среќни и бериќетни, да се ќердосает! Годинава на венчавка, в`година на крштевка! За многу години да им е љубовта и среќата! – се вели во објавата на Фејсбук на МЗ Галичник.