Рускиот амбасадор во Америка, Анатолиј Антонов, им порача на американските политичари „да се вразумат“ во врска со посетата на Володимир Зеленски. Тој истакна дека Русија нема да се откаже од барањето да се почитуваат нејзините национални интереси.

„Ги повикуваме американските политичари „да се вразумат“, да сфатат дека Русија никогаш нема да се откаже од барањето да се почитуваат нејзините национални интереси. Како што покажа историјата, нема да нè скршите со ракети и бомби“, им рекол Антонов на новинарите, коментирајќи ја посетата на Володимир Зеленски на фабриката за оружје во Пенсилванија, која предизвика многу критики и кај американската јавност, јавуваат српските медиуми.

Амбасадорот посочи дека Америка се обидува да ја искриви вистината со изјави дека Русија не сака мир и не се ни обидела да го достигне.