Швајцарци го обвинија Ѓоковиќ дека блефира со операцијата на коленото
Српскиот тенисер Новак Ѓоковиќ многу брзо се врати на терените по повредата на Ролан Гарос и оствари триумф во првото коло на Вимблон, а на теренот не изгледаше дека операцијата оставила последици.
Но, швајцарскиот медиум „Ноје Цирхе цајтунг“ објави текст во кој изрази сомневање дали Ѓоковиќ навистина бил опериран или блефирал пред еден од најголемите турнири.
Во текстот се наведува дека Ѓоковиќ се повредил на Ролан Гарос и прогнозите биле дека ќе се врати на Олимписките игри. Исто така се потсетува и на ситуација кога Роџер Федерер го оперирал менискусот.
„Операциите на коленото се деликатни и тоа е познато ширум светот, не само во Швајцарија. Федерер во 2020 година го повреди менискусот додека ја бањаше својата ќерка, еден ден по поразот во полуфиналето од Ѓоковиќ. Мораше на операција и тоа беше почеток на крајот на неговата голема кариера“, се наведува во текстот.
Како и да е Ѓоковиќ се појави на Вимблдон и сега во второто коло го чека меч против Џејкоб Фирнли.