„Шпар“ во Хрватска казнет со 173.000 евра затоа што поевтино го продавал брашното
![](https://www.slobodenpecat.mk/wp-content/uploads/2020/03/brashno.jpeg)
Управниот суд во Загреб донесе пресуда со која во целост го отфрли тужбеното барање на трговскиот синџир „Шпар“ во управен спор против решението на Агенцијата за заштита на пазарната конкуренција.
Пред три години, агенцијата откри дека „Шпар“ користел нефер трговски практики кога продавал земјоделски или прехранбени производи по цена пониска од која било куповна цена и изрече казна од 1,3 милиони куни (околу 173.000 евра). Пресудата на Управниот суд сè уште не е правосилна бидејќи „Шпар“ поднел жалба до Вишиот управен суд на Република Хрватска, објави Даница.хр. Постапката е започната по пријава на добавувач на брашно и сомнение за „наметнување неправедна трговска практика со продаважба кон крајниот потрошувач по цена пониска од набавната“.
Како што утврдија од Агенцијата, „Шпар“ три дена, од 9 до 11 ноември 2018 година, го „продавал брашното од прехранбениот производ на крајните потрошувачи по цена пониска од откупната, со што направил исклучително тешко прекршување на законот“. „Во тој период брашното го продавал по цена пониска од која било набавна цена во синџирот на набавка на тој производ со данок на додадена вредност и вкупно 271 парче брашно, за што се издадени 211 фактури“, се вели во решението на Агенцијата.