Шпанската влада постигна начелен договор со банките за мерките за помош на повеќе од милион ранливи домаќинства да ги исплатат хипотекарните заеми, објави Министерството за економија, пренесува Хина.

Околу три четвртини од шпанските граѓани поседуваат станбени недвижности, а повеќето од нив ги купуваат со хипотекарни заеми со променлива каматна стапка.

Откако Европската централна банка почна да ги зголемува каматните стапки во еврозоната, им се закануваат повисоки обврски за заем. Според договорот постигнат во понеделникот, банките преку изменет кодекс на добри практики ќе им помагаат на загрозените семејства со приходи до 25.200 евра со отплата на хипотекарните кредити.

Загрозените домаќинства ќе можат да ги реструктуираат своите хипотеки со пониска каматна стапка за време на петгодишен грејс-период, според сегашниот доброволен код од 2012 година, кој станува задолжителен откако заемодавачите ќе го прифатат.

Грејс-периодот им овозможува на домаќинствата да ги одложат плаќањата на главнината без да направат задоцнети такси за да им се овозможи да ги исполнат критериумите за регуларност и да го задржат кредитот.