Актерката Деми Мур избра гламурозен и ефективен црно-црвен фустан за премиерата на филмот „Супстанции“ (Substance). Во овој филм главната улога ја толкува токму таа, а на премиерата дојде во креација од која беше тешко да се тргне погледот.

Имено, тесниот фустан беше со големо и ефективно деколте. Ја следи линијата на телото и има импресивен, црно-црвен дезен, кој потсетува на витраж – парчиња стакло во облик на цветни ливчиња. Фустанот без прерамки беше долг до земја и ја истакна совршената фигура на познатата актерка.

Покрај атрактивниот фустан, Деми избра и впечатлив накит – висечки обетки и белегзија, како и прстен. Долгата црна коса, ја пушти во нежни бранови, а со шминката ги истакна очите и јаболчниците.

Младешкото и секси издание на познатата актерка не можеше да помине незабележано. Иако, Деми на премиерата на филмот се појави со нејзините три ќерки – Румер, Скаут и Талула, кои ги има од брак со Брус Вилис, актерката го украде целото внимание на црниот тепих.

„Потроши 250 илјади фунти на операции“: Хирург ги откри тајните на Деми Мур, која тврди дека не правела естетски корекции