Седум рецепти за ручек без готвење или шпорет: За секој ден во неделата, спас во горештините
![](https://www.slobodenpecat.mk/wp-content/uploads/2024/06/Brusketi-so-domati-Foto-Shameel-mukkath-Pexels.jpg)
Кога ќе дојде летото, особено кога температурите се високи, немаме желба да го вклучиме шпоретот или ринглата за да испечеме, испржиме или направиме нешто.
Затоа, денеска ви носиме 7 рецепти за цела недела, ручеци кои ќе ви ја олеснат работата во текот на летните денови, а притоа ќе ве заситат уживајќи во нивниот вкус.
![](https://www.slobodenpecat.mk/wp-content/uploads/2024/06/Brusketi-so-domati-Foto-PickPik.jpg)
Ден 1: Брускети со домати и моцарела
Состојки:
– 4 парчиња багет
– 2 домати, исечени на коцки
– 100 г моцарела, исечкана на коцки
– свеж босилек, ситно сечкан
– маслиново масло
– сол и бибер по вкус
Подготовка:
Во сад измешајте ги доматите, моцарелата и босилекот.
Додадете маслиново масло, сол и бибер по вкус.
Распоредете ја смесата рамномерно врз парчињата багети и послужете.
![](https://www.slobodenpecat.mk/wp-content/uploads/2024/06/Brusketi-so-domati-Foto-Needpix-1024x608.jpg)
Ден 2: Тортилји со зеленчук и црн грав
Состојки:
– 4 тортилји
– 1 конзерва црн грав, исцеден и исплакнат
– 1 авокадо, изгмечено
– 1 домат
– 1 краставица, исечкана на коцки
– 1/2 црвена пиперка, исечена на ленти
– 1/4 црвен кромид, ситно исечкан
– сок од 1 лимон
– сол и бибер по вкус
Подготовка:
На секоја тортилја намачкајте слој од пасиранато авокадо.
Додадете ги црниот грав, пиперката и црвениот кромид, доматите и краставиците исечкани на коцки.
Прелијте со сок од лимон, посолете и побиберете.
Тортилјите свиткајте ги во ролна и послужете.
![](https://www.slobodenpecat.mk/wp-content/uploads/2024/06/tortilji-Foto-Profimedia.jpg)
Ден 3: Сендвичи со песто и свеж зеленчук
Состојки:
– 4 парчиња интегрален леб
– 100 г песто од босилек
– 1 домат, исечен на тенки парчиња
– 1 краставица, исечкана на тенки ленти
– 1 морков, изрендан
– 50 г рукола
Подготовка:
На секоја парче леб намачкајте песто.
Додадете домат, краставица, морков и рукола.
Ставете две парчиња леб едно врз друго и послужете.
![](https://www.slobodenpecat.mk/wp-content/uploads/2024/06/Sendvic-so-pesto-Foto-Kvitochka-GoodFon-1024x686.jpg)
Ден 4: Ролнички со шунка и зеленчук
Состојки:
– 4 листови зелена салата
– 200 г шунка, исечкана на тенки парчиња
– 1 морков, изрендан
– 1 краставица, исечкана на тенки ленти
– 1 авокадо, исечкано на парчиња
– 50 г крем-сирење
Подготовка:
На секој лист зелена салата ставете парче шунка.
Врз шунката наредете ги морковот, краставицата и авокадото.
Додадете мала количина крем-сирење.
Листовите зелена салата свиткајте ги во ролнички и послужете.
![](https://www.slobodenpecat.mk/wp-content/uploads/2024/06/Tortilji-so-sunka-Foto-Delo-vkusa-ru-1.jpg)
Ден 5: Грчка салата со пилешко
Состојки:
– 200 г варени пилешки гради, исечкани на ленти
– 1 краставица, исечкана на коцки
– 1 домат, исечен на коцки
– 1/2 црвена пиперка, сечкана
– 1/4 црвен кромид, ситно сецкан
– 10 маслинки, преполовени
– 100 г фета-сирење, ситно издробено
– сок од 1 лимон
– маслиново масло
– сол и бибер по вкус
Подготовка:
Измешајте ги сите состојки во голем сад.
Посипете со сок од лимон и маслиново масло.
Додадете сол и бибер по вкус.
Добро измешајте и послужете.
![](https://www.slobodenpecat.mk/wp-content/uploads/2024/06/Grcka-salata-Foto-PickPik.jpg)
![](https://www.slobodenpecat.mk/wp-content/uploads/2024/06/Grcka-salata-Foto-Katherine-Martinelli-Flickr.jpg)
Ден 6: Пита без печење со хумус и зеленчук
Состојки:
– 2 цели тортилји
– 200 г хумус
– 1 морков, изрендан
– 1 краставица, исечкана на тенки ленти
– 1 црвена пиперка, исечкана на ленти
– 50 г рукола или спанаќ
– 1 авокадо, исечкано на парчиња
Подготовка:
Намачкајте го хумусот врз тортилјата.
Рамномерно распоредете ги морковот, краставицата, пиперката, руколата и авокадото.
Питата свиткајте ја во ролна и послужете.
![](https://www.slobodenpecat.mk/wp-content/uploads/2024/06/Humus-pita-Foto-Praleska.eu_-819x1024.webp)
Ден 7: Медитеранска салата со туна
Состојки:
– 1 конзерва туна, исцедена
– 1 краставица, исечкана на коцки
– 1 домат, исечен на коцки
– 1/2 црвена пиперка, исечкана
– 1/4 црвен кромид, ситно исечкан
– 10 маслинки преполовени
– 100 г фета-сирење, издробено
– сок од 1 лимон
– маслиново масло
– сол и бибер по вкус
Подготовка:
Измешајте ги сите состојки во голем сад.
Прелијте со сок од лимон и маслиново масло.
Додадете сол и бибер по вкус.
Добро измешајте и послужете.
Добар апетит!
![](https://www.slobodenpecat.mk/wp-content/uploads/2024/06/salata-so-tuna-Foto-Tako-Tsiklauri-Pexels.jpg)