Во напад на израелската војска во Џенин, на окупираниот Западен Брег, денеска загинаа седум Палестинци, соопшти израелската армија. Нејзините сили опколиле зграда во која екстремистите се забарикадирале, а израелски авиони погодиле цели во областа.

Палестинските медиуми објавија дека воени возила опколиле куќа во бегалскиот камп Џенин и дека од Палестинците во неа било побарано да се предадат.

Во рацијата биле употребени ракетни фрлачи и беспилотно летало што ја погодило куќата.

Претходните извештаи наведуваа дека загинале пет Палестинци, но бројот на жртвите бил зголемен.