Гаснењето на пожарот во скопски Чаир се одвива отежнато поради големата количина на чад и високата температура во подрумите во кои била складирана поголема количина на запаливи материјали, известуваат од Центарот за управување со кризи (ЦУК).

Дополнително, како помош на скопските пожарникари ќе пристигне специјално противпожарно возило на Армијата.

Пожарот избувнал во раните утрински часови, од запалена пластика во еден од подрумите кој се користел како магацин. Жителите од пониските катови се спасиле со трчање, а од повисоките катови биле евакуирани од пожарникари.

Триесетина возрасни и 12 деца се пожалиле на проблеми со дишењето.

Деветкатницата е сместена во густо населена урбана средина. Пајак службата дислоцираше паркирани возила, за да можат пожарникарите да пристапат.