По две години изградба, во Белград беше отворен нов кинески трговски центар. Инвестицијата е вредна 60 милиони евра. Кога ќе заврши втората фаза од проектот, ќе има околу 460 продавници со придружни објекти и паркинг простор, што го прави најголемиот и најмодерен кинески трговски центар во Европа. Новиот трговски центар е резултат на заедничките напори на кинеските бизнисмени со поддршка на Владата на Србија.

„Договорот за слободна трговија меѓу Кина и Србија оди во вистинска насока. Трговијата расте, но има потенцијал за уште подобри резултати. Овој центар е поттик за понатамошна практична соработка и зајакнување на челичното пријателство меѓу двете земји“, вели Ли Минг, амбасадор на Република Кина во Белград, пренесува РТС.

Новиот трговски центар е изграден според највисоките стандарди за безбедност и удобност за продавачите, односно сопствениците на продавниците и клиентите, информира Нова.рс.