САД на врвот со 27 златни медали на Олимписките игри во Париз
До крајот на Летните олимписки игри во Париз остануваат уште три дена, моментно на првото место на табелата по најмногу освоени златни медали се САД.
Како што и се најавуваше, САД се фаворити за освојување на најмногу медали, во тој сегмент Кина заостанува, но азискатата експедиција има шанса да освои повеќе златни медали од Американците.
Кинезите го одржуваа водството по освоени златни медали во првиот дел од првата недела на Игрите во Париз, но САД се израмнија со нив на почетокот на втората недела од натпреварите.
Американските олимпијци освоија досега 27 златни медали, 35 сребрени и 32 бронзени, или вкупно 94 медали.
Следува Кина на втората позиција со 25 златни медали, 23 сребрени и 17 бронзени, а третопласирана е Австралија со 18 златни медали, 12 сребрени и 11 бронзени.
Домаќинот Франција на четвртото место има 51 медал од кои 13 златни, 17 сребрени и 21 бронзен.