Руското Министерство за надворешни работи соопшти дека САД ја поттикнале кризата со снабдувањето со гас во Европа, туркајќи ги европските лидери кон „самоубиствен“ чекор за прекин на економската и енергетската соработка со Москва, пренесува Ројтерс.

Европа се соочува со најлошата криза во снабдувањето со гас досега, со зголемени цени на енергијата, а германските увозници дури разговараат за можно рационализирање на најголемата економија во Европската унија откако Русија го намали протокот на гас, како одговор на западните санкции.

На прашањето што треба да се случи за „Северен тек 1“ повторно да почне да работи, портпаролката на Министерството за надворешни работи Марија Захарова во интервју за Ројтерс изјави: „Слушајте, вие ми поставувате прашања на кои дури и децата го знаат одговорот: оние кои го започнаа ова треба да го завршат ова“.

Таа рече дека Соединетите Држави долго време се обидуваат да ги прекинат енергетските врски меѓу Русија и големите европски сили, како што е Германија, иако Москва беше сигурен снабдувач со енергија уште од советско време, додава таа.

Шолц верува дека Германија може да ја преживее зимата без руски гас