Русија, Америка и НАТО ќе преговараат да запре ширењето на алијансата кон исток, тврди Захарова
Главни теми на претстојните преговори меѓу Русија, САД и НАТО ќе биде запирањето на ширењето на НАТО кон исток, како и запирањето на распоредување оружје во близина на руските граници, изјави денеска портпаролката на руското МНР, Марија Захарова.
„Тоа ќе бидат главните теми, затоа што тие претставуваат директна закана за безбедноста на Русија. Оние кои сѐ уште не ги разбираат нашите ставови тоа мораат јасно да го сфатат“, рече таа.
Руското МНР го објави документот кој официјална Москва го испратила до НАТО околу гаранциите на безбедноста за кои неодамна зборуваше претседателот Владимир Путин, а кои пред сѐ се однесуваат на ширењето на воената алијанса на западните граници на Русија.
Главна ставка во евентуалниот договор ќе вели дека и Русија и САД нема да распоредуваат вооружување во територии кои можат да претставуваат закана за безбедноста, пренесуваат руските медиуми.