Ристовски: Доаѓаат поубави времиња за македонскиот спорт, нема да се дозволи никаква корупција
Поранешниот македонски ракометен репрезентативец Борко Ристовски, сега министер за спорт на прес-конференција промовираше нов начин на финансирање на спортот во нашата земја.
Најпрво ќе се објави повик за финансирање на врвен спорт, тоа значи сите оние екипи, федерации кои се натпреваруваат во Европа, веќе од понеделник или вторник може да се пријават на тој повик.
Министерството за спорт за таа цел одвои 84 милиони денари кои ќе бидат поделени на сите оние екипи и федерации кои се натпреваруваат во Европа.
Воедно, по следните две недели и доделувањето на споменатите средства, ќе следува и финансиска помош од државата за спортот кој порано се нарекуваше „ваучерски систем“.
Ристовски верува дека доаѓаат поубави времиња за спортот во Македонија, дека нема да се дозволи никаква корупција во спортот и сите средства наменети од државата за спортот ќе бидат строго контролирани, како и средствата што ги добиваат младите спортски надежи.