Рецепт за септемвриски колач со грозје: Мек е како памук, со посебен шмек
Сочен десерт за сите пригоди, но и за обичните денови кога сакате да изедете нешто слатко. Грозјето му дава посебен шмек на овој т. н. септемвриски колач.
Состојки:
– 3 јајца
– 150 грама шеќер
– 2 ванилин шеќер
– 2 дл јогурт
– 75 мл масло
– 300 грама брашно
– 6 лажици мелени ореви
– 1 прашок за печиво
– 500 грама грозје
Подготовка:
Загрејте ја рерната на 200 степени. Во сад изматете ги јајцата со шеќерот, па додајте ги јогуртот и маслото. Додајте ги брашното, прашокот за печиво и мелените ореви. Смесата сипете ја во плех обложен со хартија за печење.
Печете во рерна загреана на 200 степени, додека не се фати кора. Потоа, извадете го и одозгора расфрлајте го грозјето.
Вратете во рерна и печете уште 15 до 20 минути.
Испечениот колач оставете го да се излади, а потоа посипете го со шеќер во прав.
Добар апетит!