Во деновите на пост не мора да се откажете од омиленото јадење – заменете го месото со зеленчук и ќе биде повкусно!

Состојки:

– 10 пиперки
– 200 грама ориз
– 200 грама грашок
– 200 грама моркови
– 1 главица лук
– 1 главица кромид
– 3 компири
– 2 дл масло
– 2 лажици брашно
– магдонос
– сол, бибер

Подготовка:

Грашокот и оризот згответе ги одвоено, а пиперките исчистете ги од семки. Во посебен сад на масло пропржете кромид, лук и моркови (претходно исечкајте ги состојките), па додајте ги зготвениот ориз и грашок.

Измешајте и зачинете по вкус, а потоа со подготвената смеса полнете ги пиперките. Секоја затворете ја со парче компир, наредете ги пиперките во сад и прелијте ги со бел сос.

Сосот се подготвува така што на масло ќе пропржите брашно, ќе додадете вода и ситно сечкан лук и зачини по вкус.

Пиперките печете ги во рерна околу 45 минути на температура од 200 степени.