Рецепт за посен колач со вишни на вода: Мек, сочен и евтин
Многумина што постат во овој период треба да имаат што повеќе идеи за исхраната да биде разновидна. Без разлика дали е во прашање пост на вода или на масло.
Навикнати сме редовно да јадеме и разни деликатеси, а денеска ви предлагаме нешто старинско, а тоа е колач со вишни на вода. Овој колач е нешто што ќе им се допадне на сите, бидејќи кога и ги посетиме нашите баби, секогаш јадеме колачи со вишни, ореви…
Состојки:
– 300 грама вишни
– 400 мл вода
– 4 лажици џем (по ваш избор)
– 12 лажици шеќер
– 100 грама пченични никулци
– 18 лажици брашно
– 10 грама прашок за печиво
Подготовка:
Рерната вклучете ја и загрејте ја на 200 степени.
Во поголем сад измешајте ги прашокот за печиво, водата, шеќерот, брашното и пченични никулци, па сè добро измешајте.
Потоа додајте го џемот, а потоа смесата убаво изедначете ја.
Кога ќе го додајте џемот, додајте ги црешите и сè заедно измешајте со шпатула.
Оставете ја смесата да отстои додека рерната се загрева.
Во плех со димензии 30 x 20 ставете хартија за печење, па рамномерно распоредете ја смесата низ него.
Сè порамнете и ставете да се пече.
Веднаш штом ќе го ставите во рерна, намалете ја температурата на 180 степени.
Печете околу 55 минути.
Кога ќе се испече, колачот извадете го од рерна, а кога ќе се излади посипете го со шеќер во прав.