Рецепт за најсочниот колач со ванила и вишни
Веројатно ќе се согласите дека секогаш е вистинско време за колач. Особено во лето, во сезоната на сочни вишни, праски, кајсии… И сигурно овој рецепт го имате запишано во некоја од тетратките од вашите мајка или баби, но сепак, да ве потсетиме. Во овој рецепт се додава и пудинг од ванила, кој дополнително ќе го збогати вкусот на колачот.
Состојки:
– 2 јајца
– 120 грама брашно
– 50 мл масло
– 2 лажици шеќер
– 100 мл јогурт
– 50 грама суво грозје
– 100 грама вишни
– 300 мл млеко
– 1 пудинг од ванила
– 1/2 прашок за печиво
Подготовка:
Сварете го пудингот во млекото со 1 лажица шеќер (или ако сакате многу благо, додајте повеќе шеќер) и оставете малку да се излади.
Изматете ги јајцата со 1 лажица шеќер, па додадете го брашното со прашокот за печиво.
Потоа, додајте ги маслото, јогуртот, сувото грозје и вишните. Сето тоа изедначете го. Подмачкајте ја тавата со масло и сипете го тестото.
Пудингот ставете го во ќесе за замрзнување и отворете мала дупка, па ишарајте по тестото, правејќи коцки. Во секој коцка ставете овошје (ако немате вишни, може да изберете овошје по ваш вкус).
Печете околу 35-40 минути на 200 степени.
На здравје!