Рецепт за лепињи од јогурт: Идеални се за домашни сендвичи
Ние секогаш претпочитаме домашно печиво од оние купени во продавница. За овој рецепт ви се потребни само неколку состојки. И нежни прсти, бидејќи при обликувањето на лепињите не смеете да бидете премногу груби за да не го истиснете воздухот од нив. Ова ќе ги направи вашите домашни лепињи екстра вкусни.
Состојки:
– 600 г брашно
– 30 г квасец
– 13 г сол
– 150 г јогурт
– 50 мл масло
– 150 мл млеко
– 150 мл вода
– сусам
Подготовка:
1. Загрејте вода и млеко, додајте квасец.
2. Кога ќе надојде, додајте ги брашното, солта, јогуртот и маслото, па замесете тесто и оставете на топло место да нарасне.
3. Подгответе плех обложен со хартија за печење.
4. Тестото ставете на набрашнета површина, поделете на четири дела и обликувајте ги лепињите така што со дланка малку ќе ги притиснете. Со рачката од лажицата избодете го тестото за да добиете дупки на лепињите и оставете да мируваат уште дваесетина минути.
5. Вклучете ја рерната да се загрее на 200 степени Целзиусови.
6. Лепињите премачкајте ги со млеко, посипете ги со сусам и печете ги 15-20 минути додека убаво не поруменат.
7. Печените лепињи покријте ги со фолија или со кујнска крпа да омекнат малку, не премногу, околу пет минути.
