Колачот од гриз и пудинг е еден од омилените десерти во семејните домови.

Станува збор за рецепт кој домаќинките со задоволство го прават, бидејќи многу едноставно се подготвува и има неверојатен вкус.

Ќе го направите многу лесно и брзо, а потоа само треба да бидете трпеливи и да почекате убаво да се стегне колачот.

Состојки:

– 2 литри млеко
– 300 грама гриз
– 1 пудинг од ванила
– 50 грама кафеав шеќер
– 70 грама бел шеќер
– 2 ќесички ванилин шеќер
– 1 жолчка
– 300 грама путер
– 0,5 грама шлаг
– 1 јајце
– 400 грама бисквити

Подготовка:

За подлогата, издробете ги бисквитите и додадете 150 грама путер, 50 грама кафеав шеќер и едно јајце. Сите состојки добро измешајте ги и направете подлога за колач.

Вклучете ја рерната на 200 степени и оставете да се пече 5 минути.

Во сад за готвење сипете млеко, а еден дел оставете за пудингот. Пред млекото да зоврие, сипете го разматениот пудинг, 2 ќесички ванилин шеќер, 300 грама гриз и 70 грама шеќер. Постојано мешајте. Кога ќе започне да врие, варете уште 2 минути и оставете да се излади.

Кога малку ќе се излади, додадете 1 жолчка и 150 грама путер. Добро измешајте и прелијте врз подлогата од бисквити. Кога колачот ќе се излади, украсете со шлаг.