Колачот со вишни мириса на детство. Ако сте љубител на вишни, а сакате и малку да се засладите, погледнете ја подготовката за овој едноставен рецепт и колачот што ќе го обожавате. Исто така, кога имате неочекувани гости, ова е и одличен начин да бидете внимателни кон нив, односно да ги угостите. Сите ќе го паметат вкусот на овој сладок деликатес. Колачот украсете го со шеќер во прав, но дури кога ќе се излади.

Како да го направите старинскиот колач со вишни, од кој ќе замириса целата куќа.

Состојки:

– 4 јајца
– 1 шолја гранулиран шеќер
– половина шолја масло
– 1 шолја јогурт
– 2 шолји брашно
– 1 ванилин шеќер
– 1 прашок за печиво
– 1 шолја со средна големина како мерка за подготовка

Подготовка:

Подгответе четири јајца. Одделете ги белките од жолчките. Пенесто изматете ги белките со една шолја бел гранулиран шеќер, а потоа додајте ги жолчките. Додајте околу половина од истата шолја масло, една шолја јогурт и две шолји брашно. Потоа, сипете ванилин шеќер и прашок за печиво. Измешајте сè со миксер.
Во плех ставете хартија за печење, сипете ја смесата и додајте вишни исчистени од коска. Кога колачот ќе се излади, посипете шеќер во прав.

Напомена: Користете шолја со средна големина како мерка, нема потреба да избирате некоја голема и широка. Колачот што ќе го добиете од една смеса ќе биде доволна за шест лица.

Уживајте во супередноставниот и брз рецепт! Ќе биде многу повкусно и поубаво со шолја кафе.