Ова е рецепт со состојки што ги имате дома и не бара искуство и умешност. Мек, сочен, миризлив колач…

Подготовката е многу едноставна, а вкусот е фантастичен. Мекото слатко тесто и овошјето одозгора се совршена комбинација за уживање со шолја чај.

Состојки:

– 3 јајца
– 200 грама шеќер + 100 грама
– 1 лажица рендано чоколадо
– 100 грама гриз
– 100 грама брашно
– 1 прашок за печиво
– 50 мл масло
– 4-5 круши
– коцка маргарин
– грст сечкани ореви
– рум

Подготовка:

Изматете ги јајцата со 100 грама шеќер, додајте го чоколадото, гризот, брашното со прашокот за печиво, маслото и сè добро промешајте. Во помало тенџерче растопете 200 грама шеќер да се претвори во карамел, па додајте го маргаринот и добро промешајте додека не се соединат.

Плехот обложете го со хартија за печење и сипете го карамелот. Крушките исчистете ги и пресечете ги на половина и извадете ги семките. Наредете ги врз карамелата свртени надолу. Помеѓу нив додајте уште малку овошје (по избор) и наросете со крупно сечканите ореви. Одозгора ставете го тестото и распоредете го.

Печете на 190 степени околу 35-40 минути. Посипете со рум или премачкајте со изматен шлаг.