Рецепт за италијанска паста: Вкусен деликатес со модар патлиџан кој ги буди сите сетила
Сезоната на модрите патлиџани полека завршува, па затоа, сега е вистинското време да ги искористите сите убавини од овој зеленчук.
Тестенините со модар патлиџан ќе ги изедете со посебно уживање, па најдобро е веднаш да направите двојна мерка.
Состојки:
– 300 грама тестенини (по избор)
– 1 голем модар патлиџан
– 2 чешниња лук
– 400 грама сос од домати
– маслиново масло
– сол
– бибер
– свеж магдонос
Подготовка:
Измијте го модриот патлиџан и исечете го на коцки. Во тава загрејте маслиново масло, додадете ситно сечкан лук и кратко пропржете го. Додадете ги коцките модар патлиџан и пропржете ги додека не омекнат. Потоа додадете сос од домати, сол, бибер и варете додека сосот не се згусне. Во меѓувреме, варете ги тестенините според упатствата на пакувањето. Кога тестенините се готови, соединете ги со сосот од модар патлиџан и добро измешајте. На крај посипете со сечкан магдонос и послужете топло.
