Рецепт за брз колач со кајсии: Аромачитен и со поинаков вкус
Колачот со кајсии се подготвува по многу сличен рецепт како колачот со вишни, со тоа што, за разлика од вишните, кои се кисели, миризливите кајсии на овој колач му даваат сосема поинаков вкус и мирис.
Состојки:
– кајсии
– 4 јајца
– 150 грама мелени бадеми
– 100 грама остро брашно
– 100 грама путер
– 100 грама шеќер
– 2 мали лажички прашок за печиво
– малку презла за посипување на плехот
Подготовка:
Измијте ги кајсиите, извадете ги семките и исечете ги на помали парчиња. Плехот за печење
намачкајте го со маргарин и посипете го со презла.
Маргаринот растопете го на тивок оган. Во сад помешајте ги брашното, прашокот за печиво и бадемите. Во друг сад, во траење од пет минути матете ги јајцата со шеќерот.
Разладениот маргарин полека додавајте го во смесата со јајца и шеќер, а потоа постепено додајте ги брашното, бадемите и прашокот за печиво.
Ставете ја смесата во плехот и одозгора распоредете ги кајсиите.
Колачот ставете го во рерна загреана на 180 степени и печете околу 30 минути.