Разочарување за гигантите: Еден од најпосакуваните тренери потпиша нов договор
Киран Мекена, тренерот на Ипсвич кој беше еден од најпосакуваните во изминатиот период потпиша нов договор со клубот кој го внесе во Премиер лигата.
Мекена најмногу се поврзуваше со Челси, но во Лондон веројатно беа информирани за неговата намера, па се договорија со Енцо Мареска. Исто така стратегот од Северна Ирска се најавуваше како можен наследник на Ерик Тен Хаг во Манчестер Јунајтед, но сега е јасно дека и од тоа нема да има ништо.
„Горд сум што потпишав нов договор со Ипсвич, уживаме заедно во неверојатниот успех во претходните две сезони“, изјави Мекена.
На клупата на Ипсцич тој пристигна во 2021 година кога Ипсвич беше во Трета лига. Таа сезона ја заврши на деветтата позиција, следната на втората, а сезонава се пласираше во елитата. Последен пат Ипсвич во Премиер лигата играше во сезоната 2001/2002.
We are delighted to announce that Manager Kieran McKenna has signed a new long-term contract at Portman Road.
— I(P)SWICH TOWN (@IpswichTown) May 30, 2024