Раселените од Газа бараат одмор од очајот од војната но и од високите температури
![](https://www.slobodenpecat.mk/wp-content/uploads/2024/06/gaza-6.jpg)
Палестинците раселени во камповите низ Газа прибегнаа кон основни средства за да се разладат себеси и своите деца во текот на зголемените летни горештини.
Немаат клима и вентилатори поради прекин на електричната енергија, спас бараат во разладување со вода надвор од камповите бидејќи немаат бањи.
Температурите во земјата се искачуваат над 32 Целзиусови степени.
Велат дека престојот во нивните шатори станува неподнослив особено што тие главно се изработени од најлони.
Палестинската територија е без струја откако Израел ја прекина електричната енергија како дел од војна против Хамас.
Израел, исто така, престана да пумпа вода за пиење во енклавата, што ги отежнува условите за живот.
Повеќето од раселените семејства се засолнуваат во шаторски кампови во јужниот дел на Газа барајќи спас од постојаните израелски бомбардирања.