Расел славеше на Ф1 трката за Големата награда на Австрија
![](https://www.slobodenpecat.mk/wp-content/uploads/2024/06/12337172.jpg)
Возачот на Мерцедес, Џорџ Расел победи на денешната Формула 1 трка за Големата награда на Австрија.
Расел ја постигна втората победа во кариерата во Шпилберг, по Бразил во 2022 година. Тој победи по големата битка и дуел меѓу возачот на Ред Бул, Макс Верстапен и Ландо Норис од Мекларен, кој се судри во дуел во 64 круг.
Тоа е прва победа за Мерцедес од октомври 2022 година и од трките во Бразил. Второто место го зазеде возачот на Мекларен Оскар Пјастри, а трет Карлос Саинц од Ферари.
Седумкратниот светски шампион Луис Хамилтон од Мерцедес го освои четвртото место, додека Верстапен беше петти.
Возачот на Хаас, Нико Хулкенберг го освои шестото место, седми беше Серхио Перез од Ред Бул, а осми Кевин Магнусен од Хас. Деветтопласиран беше Даниел Рикиардо од тимот на РБ, а на 10 позиција се најде Пјер Гасли од Алпин.
Следната трка во Ф1 шампионатот ќе се вози на 7 јули за Големата награда на Британија во Силверстоун.