ПУТИН, за разлика од ТРАМП, не се плаши од објавување на нивните телефонски разговори
Рускиот претседател Владмир Путин изјави дека нема да се противи на евентуално објавување на неговите телефонски разговори со американскиот претседател Доналд Трамп, објави „Б92“.
Путин вели дека е свесен за можноста секој негов изговорен збор некогаш да биде објавен во јавност.
– Не го работам цел живот ова што го работам денес. На основа на претходни искуства знам дека било кој мој разговор може да биде објавен и тоа секогаш го имам во предвид – истакна рускиот лидер на пленарната седница на форумот на Руската енергетска недела.
Тој додаде дека неговите разговори со Трамп на ниту еден начин не можат да ја загрозат репутацијата на американскиот претседател, пренесе „ТАСС“.
– Кога се обидоа да спинуваат некој скандал во врска со состанокот со Трамп во Хелсинки, рековме на администрацијата: во ред, ако некој нешто сака да дознае, објавите го. Не сме против, ве уверувам дека тука нема ништо што би можело да го загрози Доналд Трамп – рече Путин.
Според неговите зборови, администрацијата во Вашингтон одбива да ги објави разговорите на рускиот и американскиот лидер поради принцип, и додаде дека „постојат работи кои мора да останат затворени за јавноста и тоа е тоа“.