Претставници на македонските власти вечерва излегоа со првите реакции, откако се случи експлозија наводно предизвикана од ракети во село во Полска, во близина на границата со Украина, при што загинаа двајца Полјаци.

Разузнавачки извори од САД тврдеа дека во полското село Пжевовод паднале руски ракети, но тоа вечерва не беше потврдено, а полските власти соопштија дека истражуваат.

По реакциите од НАТО, ЕУ и земјите-членки на НАТО, со свој коментар околу инцидентот се огласи премиерот Димитар Ковачевски, кој изрази сочувство за жртвите.

„Сочувство до премиерот Моравјецки за загубите на животи во експлозијата близу до украинската граница. Ова е време да бидеме уште поодлучни во нашата основна задача – да ја зачуваме територијата на НАТО безбедна и сигурна. Работиме со сојузниците на собирањето на сите факти за овој трагичен настан“, напиша Ковачевски на Твитер.

Condolences to @MorawieckiM and the Polish people for the loss of life in the explosion near Ukrainian border. This is a time to be even more resolute in our core task – keep NATO territory safe and secure. Working together with Allies to gather all facts on this tragic event.

— Dimitar Kovachevski (@DKovachevski) November 15, 2022

Се огласи и македонскиот министер за надворешни работи, Бујар Османи.

„Во консултации сме со сојузниците на НАТО и внимателно ја следиме ситуацијата“, пишува Османи, упатувајќи слично воздржана порака како и речиси сите НАТО-сојузници.

Concerned by the recent missile strikes crossing into 🇵🇱 territory. Full support & solidarity w/ our close partner #Poland, expressing condolences to the families of the victims. We are consulting our @NATO Allies & closely following the situation@RauZbigniew @PolandMFA

— Bujar Osmani (@Bujar_O) November 15, 2022