Природна заштита од вируси: Рецепт за супа од лук коja ќе му се допадне на целото семејство
Почетокот на постудените денови носи со себе настинки и вируси, но со оваа кремаста супа од лук можете да го зајакнете имунитетот и да се заштитите на природен начин.
Со дури 26 чешниња лук, овој рецепт ќе ги воодушеви и оние кои не се љубители на овој зеленчук.
Состојки (за 4 лица):
– 26 неизлупени чешниња лук
– 2 лажици маслиново масло
– 20 г путер
– 1/2 лажичка лута пиперка
– рендан свеж ѓумбир
– 2 средни кромиди (ситно сечкани)
– мајчина душица
– 100 мл павлака
– 900 мл супа од зеленчук
– 4 парчиња лимон
Подготовка:
Загрејте ја рерната на 180 Целзиусови степени, а потоа печете ги неизлупени чешниња лук покриени со фолија околу 45 минути. Кога ќе омекнат, префрлете ги во сад.
Во тенџере пропржете го кромидот, мајчината душица, ѓумбирот и лутата пиперка на маслиново масло и путер додека кромидот не стане проѕирен, околу 6 минути.
Додадете го печениот лук, па продолжете со пржење уште 5 минути. Истурете ја супата од зеленчук, покријте и варете додека лукот целосно не омекне, околу 20 минути.
Смесата измешајте ја во крем супа, додадете павлака, сол, бибер и послужете со неколку капки сок од лимон.