Подготовката за новата адаптација на приказната за Хари Потер е во полн ек, а американската телевизиска мрежа Ејч-би-о започна повик за кастинг за детски актери.

Телевизиската серија ќе почне да се емитува од 2026 година, а се очекува да трае една деценија. Секоја сезона ќе опфаќа по една од седумте книги на британската писателка Џ. К. Роулинг.

Иако засега има многу малку информации за самата серија, на официјалната инстаграм-страница за Хари Потер беше објавен повик за кастинг на млади актери. Со цел да ги исполнат критериумите за улогите на ликовите Хари Потер, Хермиона Гренџер и Рон Визли, децата мора да бидат на возраст од 9 до 11 години во април 2025 и да бидат жители на Велика Британија или Ирска.

И Руперт Гринт и Ема Вотсон, кои ги играа Рон и Хермиона во оригиналните филмови, беа откриени преку отворени аудиции. Интересно е дека Вотсон се пријавила на аудиција во нејзиното училиште.

Одлуката да се има отворени аудиции, веројатно, значи дека продуцентите се надеваат дека повторно ќе имаат среќа да пронајдат толку добри актери како оние од филмските адаптации од пред 20 години.