Претставата „Лагата“ на МНТ ќе гостува на 23. Традиционален фестивал „Албански театар во РСМ“ во Дебар
Македонскиот народен театар на 28 септември ќе учествува на 23. Традиционален фестивал „Албански театар во РСМ“, што се одржува во Дебар.
Претставата „Лагата“ е поставена на текст од Флоријан Зелер во режија на Бесфорт Идризи, а во која играат актерите Јордан Симонов, Габриела Петрушевска, Оливер Митковски и Драгана Левенска.
Покрај учеството на 31. Фестивал на камерен театар „Ристо Шишков“ во Струмица, каде што актерот Јордан Симонов за улогата на Павле минатата година ја доби наградата за највисоко актерско остварување, ова е второ фестивалско учество на претставата.
Програмата на фестивалот „Албански театар во РСМ“ започна на 24 и ќе трае до 30 септември 2024 година.
Во натпреварувачкиот дел од програмата учествуваат седум претстави од театри од нашата земја, Албанија и Косово, а во изминатите години до сега на фестивалот учествувале повеќе од 180 претстави од Македонија, Албанија, Косово, Србија, Црна Гора, Франција, Швајцарија и САД, извести Мила Анѓелковиќ од РСМ НУ Македонски народен театар.