Претседателски избори во Црна Гора – шест кандидати и една жена кандидат

На денешните избори учествуваат седум кандидати – кандидатите на Демократската партија на социјалистите Мило Ѓукановиќ, Демократскиот фронт Андрија Мандиќ, демократот Алекса Бечиќ и Обединета Црна Гора Горан Даниловиќ.

Меѓу кандидатите за претседател се еден од лидерите на Движењето Европа , Јаков Милатовиќ, пратеничката на Социјалдемократската партија Драгиња Вуксановиќ Станковиќ и инфлуенсерот Јован Радуловиќ.

Право на глас на избори имаат 542.154 граѓани. Најмногу гласачи има во Подгорица – 143.608, а најмалку во Шавник – 1.777.

Избирачките места ќе бидат затворени во 20 часот.

Ова се четврти претседателски избори од обновувањето на независноста на Црна Гора.

За претседател на Црна Гора ќе биде избран кандидатот кој ќе добие повеќе од половина од важечките гласови на гласачите кои гласале.

Доколку ниту еден кандидат не го добие потребниот број гласови, втор круг избори ќе се одржи за 14 дена, односно на 2 април. Во вториот круг учествуваат двајцата кандидати кои освоиле најголем број гласови.

Претседателот на Црна Гора се избира на пет години.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот