Преподобномаченичката Стефанида прогласена за светица
![](https://www.slobodenpecat.mk/wp-content/uploads/2024/06/IMG_1442.jpeg)
Со објавување на одлуката на Светиот архиерејски синод на Македонската православна црква- Охридска Архиепископија и одржување на свечена утрена литургија во Соборниот храм на „Св. Великомаченик Димитриј” во присуство на бројни поглавари и архиереи, високо достојници на помесните православни цркви, поглаварот на МПЦ- ОА, господин Стефан и српскиот патријарх Порфирие, денеска во Битола се одржа впишување на преподобномаченичката Стефанида, Битолско -Скадараска во списокот на Светите.
Светиот храм „Св.Димитриј” беше претесен да ги прими сите верници кои сакаа да присуствуваат на овој свечен чин, па затоа свеченоста беше пренесувана на видео бим.
Инаку, прославата за впишување на преподобномаченичката Стефанида Битолско-Скадарска во списокот на Светите започна вчеравечер со одржување на вечерна богослужба во манастирската црква „Св. Јован Претеча” во селото Слепче Демир Хисар, каде се одржа и последен Парастос за Светителката.