Привремениот премиер на Либан, Наџиб Микати изјави дека на земјата и треба итен прекин на огнот во конфликтот меѓу Израел и Хезболах, додавајќи дека околу 1,2 милиони луѓе во Либан се раселени по израелските напади.

„Престанете со борбите. Не ни треба повеќе крв. Не ни треба повеќе уништување“, рече Микати.

„Потребен ни е итен прекин на огнот“.

Микати рече дека дипломатскиот крај на ескалацијата на војната ќе биде вин-вин решение и за Израел и за Либан.

10.000 војници на југ

Привремениот премиер, исто така, рече дека Либан ќе распореди 10.000 свои војници на југот на земјата доколку се договори прекин на огнот.

Во Либан, според податоците на Министерството за здравство, загинаа повеќе од илјада луѓе од масовните експлозии на преносливи уреди на Хезболах на 17 и 18 септември, припишани на Израел и почетокот на интензивните бомбашки напади на 23 септември. кои главно беа насочени кон упоришта на Хезболах во јужниот и источниот дел на Либан и јужните предградија на Бејрут.

Израел потоа започна копнена инвазија за да се справи со Хезболах.