Предизборниот штаб на американскиот претседател Џо Бајден објави дека кампањата собрала 14 милиони долари од донации на денот на првата телевизиска дебата со поранешниот претседател на САД Доналд Трамп.

Од штабот на Бајден соопштија дека најголемиот приход од донации од почетокот на кампањата е постигнат во периодот од 23:00 часот до полноќ, еден час по крајот на телевизиската дебата во студиото на Си-Ен-Ен во Атланта, Џорџија.

Според повеќето анализи, Бајден не го искористил моментот за да поентира на темите каде Трамп е најтенок, а тоа се прашањата за абортусот и упадот во Капитол.

„Американците сакаа јасност, добија хаос. Претседателот го губеше умот, не објасни зошто е потребно правото на абортус, рече дека отворил 15.000 работни места, но отворил 15 милиони. Трамп беше јасен, но лажеше. Тој дури тврдеше дека ја намали цената на инсулинот, а тоа го направи Бајден. Во еден момент, дури тие се расправаа и за голфот, анализираат критичарите.

Тие велат дека ова е далеку од она што го сакаат Американците. Не добија одговори, само повеќе прашања за судбината на земјата пред изборите во ноември“.

Бајден нема намера да се откаже од трката за нов претседателски мандат